 |
刊登日期：2008-11-20 |
 |
|
|
|
『世紀大裁員』：明年經濟真的無藥可救？睇吓銀行炒人嘅數目和速度就知道；而家連金融界嘅高手都要起身，你話士氣點樣唔低落。群龍無首，唔通明年銀行打算唔做生意？其實我地香港人經歷過97年金融風暴，對金融海嘯又何懼呢？大家最關心嘅當然係後市對的士牌價有甚麼影響。而家咁嘅環境大部分投資者都係睇淡啦，人之常情，我亦唔建議而家瞓身投資，但有時真係『世事無絕對』，執平貨往往又係兵荒馬亂嘅時候，你地話係唔係？
致於的士『短加長減』收費模式終於在本月30日實施，其實在經濟衰退之下，新的收費模式是否為司機帶來好處或壞處，真的是天曉得？無可否認，長途車資在新的收費模式下已接近現時八折黨的收費，除非出現六折或七折黨，否則乘客未必特登再幫襯八折黨，但是短途乘客就比較肉痛，一來起錶已貴二蚊，跳錶又貴一毫，所以現時說是吉是凶也是言之過早，倒不如等半年後再檢討吧！
11月20日：一個月香港銀行同業拆息1%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 20-11-2008 |
|
|
|
刊登日期：2008-11-18 |
|
|
|
|
『世紀大裁員』：明年經濟真的無藥可救？睇吓銀行炒人嘅數目和速度就知道；而家連金融界嘅高手都要起身，你話士氣點樣唔低落。群龍無首，唔通明年銀行打算唔做生意？其實我地香港人經歷過97年金融風暴，對金融海嘯又何懼呢？大家最關心嘅當然係後市對的士牌價有甚麼影響。而家咁嘅環境大部分投資者都係睇淡啦，人之常情，我亦唔建議而家瞓身投資，但有時真係『世事無絕對』，執平貨往往又係兵荒馬亂嘅時候，你話係唔係？
11月19日：一個月香港銀行同業拆息1.092%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 18-11-2008
|
|
|
|
刊登日期：2008-11-12 |
|
|
|
|
『銀行派糖』：上星期獅子錢莊受壓突然減息0.25%，再加上政府拍心口出錢幫中小企，所以各老闆暫時應該唔洗燒炭，但小弟點都估唔到銀行拆息接近1厘，但銀行竟然倒頭調高新做按揭利率，即是變相加息，再加上銀行調低按揭銀碼及加強審批程序，間接令人相信銀行根本就想放軟手腳唔做生意，你話資產價格暫時點會有運行！
最近銀行已出現了3個唔同的最優惠利率，如果情況變壞，我估計會出現更多最搵笨利率都未定。又講番市區的士短加長減方案，班立法會議員質疑為何政府堅拒立法禁止乘客議價，這個問題其實問完又問，而政府嘅答案又是答完又答話禁止乘客議價係執法困難，小弟覺得大家都有點老人癡呆，何不乾脆通過方案半年或九個月後再慢慢檢討，好過大家齋講！
11月18日：一個月香港銀行同業拆息1.04%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 12-11-2008 |
|
|
|
刊登日期：2008-10-25 |
|
|
|
|
『全面下挫』：嘩！真係賤物鬥窮人！股市跌到你唔信，創五年新低；樓價跌回沙士價，竟然都無人問津；裁員減薪潮今年都可能避無可避……咁多壞消息，投資者自然會問的士牌價會否大跌？有見及此，早幾日商會搞咗個武林大會；還請了七、八間銀行和車行一齊去討論的士前景。金融界高手逐一發言及交換意見，他們普遍都認為這場世紀金融海嘯可能影響本港經濟比亞洲金融風暴及沙士有過之而無不及，所以用保守但靈活策略比較安全，他們都同意的士牌價可能隨整體經濟下跌，但認為抗跌力比較強，原因就是大部分車主現時仍然享受超低按揭利息(大約2.5%)，所以供車會沒有太大壓力，相比97年前很多車主月供接近三萬當然舒服很多。雖然金融界都自認心靈脆弱，但只要租金維持平穩及沒有太多不利消息，他們都估計的士牌價只會作出有限度調整。所以亦唔會因牌價下跌而要求車主補回差價。
其實當失業率高企，的士司機數目就有上升趨勢，所以的士出租率就越高，靠收車租嘅車主就仲輕鬆，小弟亦趁這個千載難逢機會詢問的士按揭利率會否因拆息急跌而向下調。他們的答案是正面，值得飲杯！分析員亦預計美國聯署局會在十一月尾前再減息半厘，到時香港好大機會要跟隨吧！另外那『加短減長』收費應該會在年尾前獲得通過，司機收入有機會受惠，這都算做值得鼓舞消息吧！
11月11日：一個月香港銀行同業拆息1.00%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 25-10-2008 |
|
|
|
刊登日期：2008-10-20 |
|
|
|
|
『拆息回落』：真係唔衰唔靈！公司倒閉潮剛剛開始，今年失業率又可能創五年新高。講真，你而家講乜嘢分析都無用，投資者已認定今年都是係咁先，他們亦預期資產價格會繼續回落10%~20%，不過自從政府肯100%擔保存款風險後，銀行拆息就急急回落，值得飲杯！如果三個月銀行拆息回落到3%以下，銀行有機會調低新造按揭利率，因而我估計的士牌價可能暫時喘定！大家拭目以待吧！
10月24日：一個月香港銀行同業拆息2.90%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 20-10-2008
|
|
|
|
刊登日期：2008-10-13 |
|
|
|
|
『水深火熱』： 小弟剛從楓葉國打道回府，就發覺這場金融海嘯已開始危害整個金融體系，根據各老總嘅分析，而家嘅情況係聞所未聞，為免被其他錢莊突發不適而牽連，各錢莊寧願攬實荷包，連自己友都唔願拆借，所以銀行拆息仍然高企不下，聽聞有錢莊已將借貸利息加到優惠利率或乾脆用同業拆息以上計算，另外他們又預期各資產價格會繼續下跌大約10%~20%，所以而家又將貸款額縮細，你話情況係唔係好惡劣呢！最值得安慰的是昨日已有政府高官講明會用盡彈藥去應付海嘯，希望唔好大隻講吧！小弟覺得而家最重要做的事就係令市場資金流通，因為連各中小企都借唔到錢的話，倒閉潮一定陸續有來，到時整個社會彌漫恐慌，經濟將會陷入嚴重哀退，結局就係『散晒』！復甦期可能會相當漫長。
10月20日：一個月香港銀行同業拆息3.49%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 13-10-2008
|
|
|
|
刊登日期：2008-09-20 |
|
|
|
|
『金融海嘯』： 真的要命，壞消息一浪接一浪！首先「兄弟」意外身亡；再來「美林」賣盤；未玩夠再叫多一客「友邦」蛋散，市場信心當然崩潰，全世界都立即變晒淡友。俗語話「物極必反」，更可況這一次是百年一遇金融大海嘯，幾乎全世界都受牽連，各國政府已出盡法寶去做救亡工作，最犀利武器當然就係減息和向市場注資，盡管聯署局今日議息維持利率不變，但各金融高手已預料利息好快會下調，雖然資產價格未必立即反彈，但起碼「享受」平息渡日，待遲些市場冷靜後就可能「雨過天晴」，我承認呢種想法係和「阿Q精神」相似，但事實可能真係如此。
致於那個「短加長減」的士收費方案，如果經濟插水以致的士司機收入大減的話，我睇到時各位司機大佬都係各師各法，所以現時嘅爭論都變得不太有意義。反正行政會議最快下周都批準這加價申請，倒不如就放擔嘗試這道特別佳餚，話唔定會發覺有『山珍海味』之味道！
10月10日：一個月香港銀行同業拆息4.99%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 20-09-2008 |
|
|
|
刊登日期：2008-09-16 |
|
|
|
|
『奧運之後』：經過十六天嘅奧運大賽，上星期終於曲終人散了，事實上這次中國國家隊真的沒令人失望，而且簡直就是令人喜出望外。個個掛住睇奧運，樓市、股市、車市成交萎縮就唔使多講，不過傳統上主辦國在奧運後多數有運行，希望這次亦都唔會破例，睇嚟香港都應該可以受惠呱！早兩日有傳大型銀行提供樓按利息低至2.35厘，地產佬一定話有利樓市。但同一時間，各大型銀行相反地輕微調高的士按揭利率，你話係唔係幾搞嘢！但牌價會不會乘機插水，敢就要睇住班銀行會唔會再『勇者無懼』在短時間內再玩加息，如果唔會的話，牌價就『天下太平』了。小弟就估佢地遲些可能靜悄悄玩減息都唔出奇。
前排各的士商會為了那份「短加長減」建議而搞到各自發功，運輸署亦以為『聽取民意』搞份「天下無敵」方案就可以收服班司機大帝，最終又係個句：『順得哥情失嫂意』，原來仲有下文，你地睇吓今日班司機又玩慢駛遊行請願反對的士收費『短加長減』的建議會導致司機收入減少。唔通佢地想申請『短減長加』；又或者想申請『短加長加』就可以增加收入呢？講笑咁講，如果市民肯多搭的士的話，嚟一招『短減長減』都可能搵多咗都未定。唔係點解咁多司機肯加入做八折黨，因為入咗黨先知原來減咗價，收入竟然仲多咗。所以話唔試過就點知呢？
9月16日：一個月香港銀行同業拆息1.89%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 28-08-2008 |
|
|
|
刊登日期：2008-07-22 |
|
|
|
|
『油價急跌』： 果然係藉口！聯署局輕輕落藥話經濟會放緩，油價一星期就跌18美元，大行仲話應該會繼續跌，你話佢地幾識搵藉口。講真，油價跌好過升啦，起碼司機哥哥唔洗入油入到苦口苦面。不過有人提議聯署局唔好等到樓市危機完結才考慮開始加息，所以投資者要小心息魔早到。另外運輸署又放風話會盡快審批「加短減長」的調價方案申請，小弟希望真係唔好齋講，再等落去等到聖誕老人嚟埋都唔知得唔得！
8月26日：一個月香港銀行同業拆息1.84%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 21-07-2008
|
|
|
|
刊登日期：2008-06-28 |
|
|
|
|
『熊市來臨』：美國股市連續大插了幾日，當然連累埋我地，睇個勢似乎就不妙，點解？昨天美國8月期油炒上$143/桶歷史新高，班大鱷仲話好快會升上$150/桶，油價升得咁易當然多謝美國聯署局暗示短期內唔會加息。獅子銀行就話美國會在明年第二季開始加息，但本地銀行都懶理，一句話『資金可能會溜走，所以拆息上升』，速速自己制作加按揭息率0.25%~0.5%。受到以上三大利淡因素(股市跌、油價升、利率加)，的士牌價短期都找不到藉口上升呢！不過小弟又有自己一套理論和大家分享吓，如果熊市真係來臨，投資者大都會暫時離場而持有現金，油價不斷上升間接推高通脹，但銀行又唔加存款利率而使持現金者蝕底，所以一定要找一些高回報投資來抗衡通脹，買樓收租？買的士收租？比我揀，我一定會揀套現夠快投資，所以唔駛睇的士牌價咁淡吧！
7月18日：一個月香港銀行同業拆息1.76%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 28-06-2008
|
|
|
|
刊登日期：2008-06-17 |
|
|
|
|
『交投淡靜』：最近唔係黑雨就係紅雨，令到原本開始淡靜的投資氣氛更加清靜！個個股票投資客都抱著「cash is king」，寧願等拾平貨都唔敢亂買賣，無他嘅，大戶出口術話股市未跌完，再加上聯署局又話在9月議息會開始加息，再加上本地銀行都話按揭業務無錢賺，短期按揭利率有上調壓力，你話的士交投點會暢旺？牌價腳軟已是意料中事了。不過小弟睇美國一日未加息，投資者都應該唔會人踩人沽貨呱，況且美國聯署局吹水都話頂多加四分三厘，所以唔洗自己嚇親自己！
***05/06/2008交通諮詢委員會公佈的士營運檢討報告記者會，似乎都幾重點推介「定線定額」的士服務，致於其他建議對行業有無火花，咁就見仁見智，有興趣就自己去的士小巴商總會網頁看看吧！***
http://hktpa.org/tpa/notice.php
6月27日：一個月香港銀行同業拆息1.99%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 17-06-2008 |
|
|
|
刊登日期：2008-06-04 |
|
|
|
|
『止跌回穩』：四川8級大地震已接近三星期了，大家亦開始收拾悲痛心情，但當然唔會忘記繼續用心和力支持，那水深火熱的同胞！由上星期開始不斷收到傳聞話聯署局可能會提早在今年加息以對抗通脹及弱美元，不過早幾日獅子銀行大班和今日花旗銀行都話美國息口會在年尾前不會有大變動，除非六月尾數據顯示經濟增長強勁，否則都唔會提早玩加息。所以唔洗多講，那些春江鴨投資者快過打針買番的士，你睇牌價跌極都唔落就知！
致於那的士短加長減方案，我睇都要再拗多一陣，話晒雙方都係有實力團體，好彩呢排油價回落，唔係就真係火上加油！請大家拭目以待吧！
***今日下午(05/06/2008)交通諮詢委員會公佈的士營運檢討報告記者會，似乎都幾重點推介「定線定額」的士服務，致於其他建議對行業有無火花，咁就見仁見智，有興趣就自己去的士小巴商總會網頁看看吧！***
http://hktpa.org/tpa/notice.php
6月17日：一個月香港銀行同業拆息1.90%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 04-06-2008 |
|
|
|
刊登日期：2008-05-22 |
|
|
|
|
『籌款賑災』：雖然四川8級大地震已發生超過一星期，但傷亡數字繼續上升，災情非常嚴重，真係聽者心酸，見者流淚作為同胞，我們也應該慷慨捐助，以示對他們的支持和幫助。你也可以透過「香港的士小巴商總會」捐款，所籌得善款會交由中聯辦直接送到災區，希望大家慷慨解囊！
昨日紐約期油已炒到接近135美元一桶，主要原因是聯署局調低美國今年經濟增長預測，令美元滙價下跌，刺激油價急升，班大鱷仲話要兩年內炒到200美元一桶。油價高企，間接會令到石油氣價上漲，司機收入相對減少。其實交諮會已清楚目前情況，所以也立即批准巴士公司下月加價，但的士短加長減方案還在爭拗中，似乎短期內都未有共識，如果再慢慢拖落去，我諗司機大佬都會叫苦連天，不如當局考慮立即批准的士落錶加價以解燃眉之急，致於那短加長減方案就坐低食個飽再慢慢詳談吧。
5月26日：一個月香港銀行同業拆息1.39%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 22-05-2008 |
|
|
|
刊登日期：2008-05-09 |
|
|
|
|
『心大心細』：首先對中國四川7.8級大地震造成大量死傷者深表哀痛!!
嗱！任總果然無講假話！早前他已勸告投資者唔好太搏瞓身買人民幣，轉過頭中央已出手擴大交易對換率，目的明顯想增加投資者的炒人民幣成本，再加上國務院副總理王岐山表示要繼續緊縮貨幣政策，以防經濟過熱，所以有分析員估計人民幣升值的速度會比預期慢得多。呢排紐約期油屢創新高超過120美元一桶，高盛更出口術話油價會升上150~200美元一桶，再加上美國財員話美國有條件加息，真係嚇親靠借錢投機的投資者。不過以小弟愚見，油價短期好難炒上150美元一桶，聽講美國總統殊仔已約好班中東油王講數，始終油價太高會影響美國經濟；此外正如商品大王羅杰斯和國際大鱷索羅斯一唱一和話「信貸危機未見底、美經濟差剛開始」，而家有人唱美國加息會唔會言之過早呢？前排我都講過股市係要「Sell in May and go away！」雖然班細膽車主受到油價高企和美國加息謠言嚇親，但短期始終都比炒股、炒人民幣和炒樓穩陣得多！
最近收到料指政府機電工程署確保公眾安全為由，落實要求拆毀車輛要根據「棄置石油氣車輛燃料缸指引」辦事，表面上出發點係一件好事，起碼教育業界對石油氣燃料缸處理要審慎，如果馬虎處理而發生爆炸造成人命死傷就真係連累整個的士行業。由政府認可的專業人士去安排清拆及處理石油氣缸係正規做法，但車主可能認為付出額外費用去處理一個廢缸係一種損失，因為根據以往做法交架車比人拆毀係會有錢收，但現在因為要比錢處理那廢缸，結果可能得番舊骨，究竟應該由邊個比錢去處理那廢缸才是最好的做法呢 ? 車主? 政府? 的士入口代理商? 我諗不如各位車主睇睇有關文件再慢慢討論吧！
棄置石油氣車輛燃料缸指引網頁：
http://www.emsd.gov.hk/emsd/c_download/sgi/
Guideline_for_Disposal_of_LPG_Vehicle_Fuel_Tanks_Ver_2.pdf
5月21日：一個月香港銀行同業拆息1.43%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 09-05-2008 |
|
|
|
刊登日期：2008-04-30 |
|
|
|
|
『聖火傳遞』：萬眾期待北京奧運聖火終於殺到香港，身為中國人當然覺得興奮，但睇完張火炬手名單後，發覺原來運動不單只無分國界，而且無分年齡！佩服！佩服！總之高高興興搞吓氣氛都算係一件好事。自從中央插手救股市後，果然非同凡響，連帶港股由低位反彈超過3,000點後，股民即時翻生，所以投資者有水在手亦唔急於沽車套現，所以的士牌價就好似跌定了。致於聯署局減息與否，銀行大班已提水再唔係好關我地事，另外班bankers已開始偷步加息0.1厘，雖然賺多雞碎咁多息聊勝於無，但起碼話你知香港利息已見底。所以如果無乜心水買甚麼投資保值，就唔好亂咁炒買﹝包括連任總都話唔好成幅身家買人民幣﹞，另外，股市亦有句名言：「Sell in May and go away」。所以小弟發覺好多醒目的投資者已向的士投壞送抱了。
最近收到料指政府機電工程署確保公眾安全為由，落實要求拆毀車輛要根據「棄置石油氣車輛燃料缸指引」辦事，表面上出發點係一件好事，起碼教育業界對石油氣燃料缸處理要審慎，如果馬虎處理而發生爆炸造成人命死傷就真係連累整個的士行業。由政府認可的專業人士去安排清拆及處理石油氣缸係正規做法，但車主可能認為付出額外費用去處理一個廢缸係一種損失，因為根據以往做法交架車比人拆毀係會有錢收，但現在因為要比錢處理那廢缸，結果可能得番舊骨，究竟應該由邊個比錢去處理那廢缸才是最好的做法呢 ? 車主? 政府? 的士入口代理商? 我諗不如各位車主睇睇有關文件再慢慢討論吧！
棄置石油氣車輛燃料缸指引網頁：
http://www.emsd.gov.hk/emsd/c_download/sgi/
Guideline_for_Disposal_of_LPG_Vehicle_Fuel_Tanks_Ver_2.pdf
5月9日：一個月香港銀行同業拆息1.37%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 30-04-2008
|
|
|
|
刊登日期：2008-04-19 |
|
|
|
|
『言之過早』：嘩！美國最大銀行花旗又要醜婦見家翁，連續兩季都要為次按撇帳，今季要撇51億美元，連同相關次按產品總共撇超過150億美元，所以隨即宣佈再裁員9000人，另外幾間金融機構亦驚死執輸又宣佈炒幾千人，睇落08年美國經濟都係咁先。但世事無絕對，美國聯署局已暗示今個月尾未必會大幅減息，最多都係減四分一厘，所以正如獅子銀行上次預測，香港暫時可能無減息空間了。關於美國次按問題是否已經接近尾聲，聯署局都話言之過早，金管局任總當然話摸唔清其負面影響有幾耐，不過例牌都係贈番幾句安慰說話。
其實我地投資者只係關心樓、股、車邊瓣要跳車做止賺，正如大陸股市都被形容為「狼市」，個個投資者越坐得耐荷包就越陰乾，所以而家大陸股民個個差不多心灰意冷。依小弟愚見，市區的士牌價接近380萬左右才是考慮去留問題，短期揸貨收息好過亂咁炒人民幣，唔知啱唔啱聽呢！另外，班大鱷似乎想炒起油價到每桶120美元，所以間接對石油氣多少都有加價壓力!!
4月30日：一個月香港銀行同業拆息1.66%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 19-04-2008
|
|
|
|
刊登日期：2008-04-07 |
|
|
|
|
『通脹升溫』：唔通要揸鑊鏟才搵到食？舊年就炒金，銀，銅，鐵，鍚，今年斷估要炒蛋、米、油、鹽、肉，鬼叫港元和美元掛勾，美元弱過藥煲，再加上人民幣就越升越有，連專家都話今年再升10%無難度，所以部分投資者就沽車，沽樓去大陸開戶口存人民幣等升值和收息。其實人民幣由年頭到現在已升了差不多15%，而家才去搏命會唔會遲咗少少呢？再者我地祖國嘅政策真係唔聲唔聲嚇你一驚，隔山買牛倒不如留港搏殺，起碼上車快，跳車易，你話係唔係？聽講聯署局今個月減半厘機會又升至四成，雖然獅子銀行上次都話無乜減息空間，但起碼呢個低息政策有排玩，揸著部的士個個月有成萬蚊淨袋，買錯貨都唔憂，總好過前排炒中資金融股，損手爛腳又無息收！所以有口痕友話市區牌價360萬撐得住。
講番市區的士「短加長減」收費調整方案，似乎起錶加到十八蚊就已成基礎，之後就分成兩成派嘅方案，其實兩者各有所長，要視乎其真正目的，但由於通脹加劇，如果減得太厲害的話，司機可能要賠錢開工了。無論如何，小弟希望大家抱著相同目標，那就是透過收費調整方案能真正使各的士司機的收入增加為大前題。
**由5月份開始「的士買賣廣告」只會刊登於「東方日報」**
4月18日：一個月香港銀行同業拆息1.617%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 07-04-208 |
|
|
|
刊登日期：2008-03-26 |
|
|
|
|
「高處不勝寒」: 凍就著多件衫就無事啦….. 大家復活完之後就好似腳仔軟晒，見股沽股、見車沽車，感覺好似香港就快淪陷，真的莫名其妙! 但不得不承認的是個別銀行無啦啦玩加息、的士司機頻頻玩失踪唔想做、再加上獅子銀行話下次再減息都唔使預它；上次2005年見過鬼以致患神經過敏嘅投資者見牌價一過370萬就頭暈身熱話要埋單計數，所以牌價突然之間就好似謝晒。小弟自認不太醒目，所以問高人指點一吓，答案原來係「淡定有錢剩…」.. 但無可否認有很多投資者自認係高沽低吸專家，那就乾脆對他們講聲祝君好運吧! 此外，小弟對那些投資者在低息環境下仍然對後市完全喪失信心亦只能講句無話可說呢!
前排提及過的全球衛星定位(GPS)已萬事俱備，只欠東風。在未來的而且確對司機和乘客都會帶來突破性嘅好處，但要達到較理想嘅效果就有賴訓練有素的司機去配合，但小弟有信心香港的士將來會超越其他國際城市嘅優質的士服務。
4月1日：一個月香港銀行同業拆息1.55%
(以上純屬個人意見，如造成不便敬請見諒；對以上評論有任何意見，可直接致電6018 1820 )
William Lam 27-3-2008
|
|
|
|
刊登日期：2008-03-20 |
|
|
|
|
『岌岌可危』：早幾日用股破樓散去形容美國情況都唔係太過份，在萬眾期待下聯署局只用獨沽一味嘅減息招數去應付，雖然減息幅度0.75%已是23年來最多的一次，但可能仍然頂唔著江河日下嘅經濟狀況太耐，所以口痕分析員估計減息潮繼續有來。致於香港方面，如果利率再向下調，銀行出現從未試過嘅負利率，不過銀行界都話唔想見到，以目前按揭利率P-3%計算下，實質利率已到2.5厘，咁平嘅利息對投資者來說就係沽貨唔抵、揸貨驚跌的局面，所以的士牌價要再創高峰是需要用耐心去等待吧！
前排提及過的全球衛星定位(GPS)已萬事俱備，只欠東風。在未來的而且確對司機和乘客都會帶來突破性嘅好處，但要達到較理想嘅效果就有賴訓練有素的司機去配合，但小弟有信心香港的士將來會超越其他國際城市嘅優質的士服務。
3月25日：一個月香港銀行同業拆息1.55%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 20-03-2008 |
|
|
|
刊登日期：2008-03-13 |
|
|
|
|
『見招拆招』：大笨象會跳舞、央行又再發力！五國央行又玩注資二千億美元救火，短期應該可以托得著那批結構性投資工具價格。突然間市場咁多錢，所以吹水新聞又話美國聯署局減息四分三厘的機會下降到六成了。
小弟前日有幸參加錢莊銀行75週年慶祝酒會，老實講，錢莊真係幾巴閉，除了達官貴人、財經巨子、連特首和三司統統比面光臨，席間柯大俠又發表香港減息空間有限。連金管局任總都用憂慮去睇美國經濟和內地通脹問題，所以再減息都可能救唔到美國樓市，香港經濟會在未來日子也被拖累。另外值得擔心就係原油價格不斷創新高，昨晚已升近每桶$110美元，有口痕分析員話原油價可升破每桶$130美元。惡夢重臨一樣，無人敢低估那隻無厘頭但暫時未有解箹嘅流感! 最後美國次按問題巳連累金融機構倒閉或大撇帳等利淡投資氣氛，醒目嘅投資者都應該轉用較保守態度為上策！
我在上星期已詳細介紹過新開發的全球衛星定位﹝GPS﹞嘅全免費優惠，反應唔錯，雖然前日已正式截止，但如果各位讀者錯過報名的話，你們可以直接比個電話查詢或填寫以下表格比我地，我地會因應情況作出安排。 按此登記
3月18日：一個月香港銀行同業拆息1.65%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 13-03-2008 |
|
|
|
刊登日期：2008-03-07 |
|
|
|
|
『免費衛星定位』：突聞下星期開始有銀行加按揭利率，所以就算美國議息會減四分三厘，我驚到時車會利率有機會只輕微調減，這正是錢莊銀行老頂所講「減無可減」的結果! 不過點都好過股市一星期鉄1800點之十年最差記錄! 上星期小弟已爆料豐田的士有「喜」訊。果然有報導指皇冠車行證實由八月份起豐田的士的乘客座位數目由五個改為四個。的士業界暫時可以做就係表示遺憾和無奈，但業界應該唔會齋坐照單全收啩！
小弟聯同幾間具規模車行和高科技上市公司共同策劃及代理一隻專為香港的士行業而設計的全球衛星定位(GPS)，已正式面世向業界推廣。由於採用第三代GPS定位技術，所以接收能力絕對唔似上一代給高樓大廈阻擋的弊處。除了提供司機及乘客全面資訊(包括入區慢駛提示、交通擠塞、突發事件等)之外，最煞食就係能做到高效率派order、翻查行車紀錄、網上行車路線追蹤、司機按掣救援等等工作，再透過先進的智能監控管理中心，為乘客及司機提供無微不至的服務，也締造的士業界嶄新營運模式。為了證明這部GPS能夠受的士業界歡迎及接受，我地特意預留100部GPS機全免費(免機價大約$4,000、免安裝費、免月費、免培訓費)給有興趣車主試用一年，絕不取巧！如果有興趣，請立即聯絡林小姐或曾先生登記安裝，辦公時間9:00-6:00請電23334411、非辦公時間可致電：6018 1820 (William Lam )。機會難逢，3月10日截止！仲有ニ日咋！要快吧!! 按此登記
＊如果錯過了今天的示範，我們亦準備了實物模擬操作以加深了解，另可參考圖片集介紹安裝位置、司機救援按掣等＊
3月7日：一個月香港銀行同業拆息2.54%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 07-03-2008
|
|
|
|
刊登日期：2008-02-25 |
|
|
|
|
『衛星定位』：今天疑似股神嘅四叔發表「股市希望」升到30,000點的偉大言論，呢次好多亞叔師奶都耍時間消化吓。如果他又口震震話「牌價希望」升到400萬，你會信嗎? 另外美國經濟衰退恐慌煞到了!減息難免! 再加上財爺派糖效應，香港經濟應該可以頂得著。
小弟聯同幾間具規模車行和高科技上市公司共同策劃及代理一隻專為香港的士行業而設計的全球衛星定位(GPS)，已正式面世向業界推廣。由於採用第三代GPS定位技術，所以接收能力絕對唔似上一代給高樓大廈阻擋的敝處。除了提供司機及乘客全面資訊(包括慢駛提示、交通擠塞、特發事件等)之外，最煞食就係能做到高效率派order、翻查行車紀錄、網上行車路線追蹤、司機按掣救援等等工作，再透過先進的智能監控管理中心，為乘客及司機提供無微不至的服務，也締造的士業界嶄新營運模式。不過車主擔心有咁好嘅服務，月費一定會貴得驚人……如果你咁諗就錯晒了！為了證明這部GPS能夠受的士業界歡迎及接受，我地特意預留100部GPS機全免費(免機價大約$4,000、免安裝費、免月費、免培訓費)給有興趣車主試用，絕不取巧！如果有興趣，請立即聯絡林小姐或曾先生登記安裝，辦公時間9:00-6:00請電23334411、非辦公時間可致電：6018 1820 (William Lam )。機會難蓬，3月10日截止！ 按此登記
2月29日：一個月香港銀行同業拆息2.69%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 25-02-2008
|
|
|
|
刊登日期：2008-02-14 |
|
|
|
|
小弟趁機會向大家拜年:恭祝各位萬事勝意、身體健康、從心所欲、金銀滿屋、橫財就手....總之鼠年大家就好好好! 恭喜、恭喜!!!
『聯手救市』：又出新招……據講美國樓市價格持續下跌，另外 估計超過150萬享有低息樓貸業主在未來日子要捱貴息以致可能會斷供，再加上結構投資工具(CDO，SIV)的資產價格插水，美國六間金融機構唯有聯手提出拯救樓市方案，以避免業主棄樓潛逃，不過唔知會唔會好似上一次『大水喉』一樣，即是『雷聲大、雨點少』呢？如果效果都唔理想的話，有人估計全球金融市場將會動盪，所以唔好以為減息一定是神丹妙藥！
新的一年又是新開始！好多投資者都覺得減息會令到的士牌價繼續上升，況且在低息條件下，本金和利息在供款中的比例已差不多接近，另外股市又缺乏方向，醒目資金已慢慢流入投資的士和樓市，牌價再挑戰新高將會是不爭的事實，不過要留意吓動盪的金融市場會否影響投資氣氛吧！
有報導指廣告商將會在的士安裝八吋闊高清顯示屏幕，除播放潮流、美容、旅遊及飲食等資訊，更可即時直播外地舉行的休閒節目。雖然效果就見仁見智，但如果能為車主及司機帶來額外可觀收入的話，我相信都能為整體的士訂下未來的增值服務收入的發展方向。
另外又有報導指某的士商會打算引入貨Van型的豐田Hiace為多用途的士，新款的士座位維持五個，除了可以放更多行季外，亦可讓整架輪椅放入，方便為傷殘人士提供服務。而且透露為一百部的士引入先進導航系統，可即時為司機提供路線及與目的地距離。雖然貨Van嘅外貌就不太靚仔，而且用導航系統為司機帶路要花更多停車等候時間輸入，但香港作為一個國際大都會，有新意念始終是好事。
2月22日：一個月香港銀行同業拆息2.35%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 13-02-2008
|
|
|
|
刊登日期：2008-02-01 |
|
|
|
|
小弟趁機會向大家拜年:恭祝各位萬事勝意、身體健康、從心所欲、金銀滿屋、橫財就手....總之鼠年大家就好好好! 恭喜、恭喜!!!
『漫天風雪』：這個冬天真太冷……在電視上看到幾十萬人拼死在廣州火車站等了幾個晝夜才能逼上車回鄉團聚的感人場面，個心都覺得不太舒服，希望這次世紀風雪盡快結束，讓同胞們能過一個溫暖的新年！睇番美國經濟真係唔妥，減息半厘已不太驚喜，反而獅子錢莊初時笑笑口話有條件跟足減息半厘，但轉過頭又宣佈只減四分一厘，問你服未！所以有專家估計就算美國在三月份再減息半厘，香港亦可能未必照跟。趁好消息出貨，追貨正是投資者現時的重要決擇了！不過參考過大多數金融機構嘅公佈業績，經濟風暴可能在未來數月慢慢由歐美吹到香港，所以審慎一些比較有著數吧！
小弟在一月中和十幾個的士小巴商總會理事和行家一齊飛到上海訪問交通運輸管理處和幾間大型的士公司(包括大眾、強生和錦江)的電召、維修及銷售中心，順道交換管理上的心得。我們發覺上海市雖然有四萬六千幾輛的士，而超過一半以上的士已安裝全球衛星定位(GPS)以應付電召需要，但在高峰期也未能應付市民需要。我們亦發覺的士司機服務質素、駕駛態度、衣著外表等等都唔錯，所以這次訪問令我們各人大開眼界，亦增加我們對香港的士提高優質服務的決心！
2月12日：一個月香港銀行同業拆息2.17%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 01-02-2008 |
|
|
|
刊登日期：2008-01-23 |
|
|
|
|
『落藥抗熊』：果然係世事難料……！美國聯署局都知道呢次次按問題可能將會一團糟，所以都唔等月尾議息會就拿拿聲減四分三厘，果斷就肯定，但效果仲要睇定。在獅子銀行帶頭減足四分三厘後，股市當然短期反彈，資產價格(例如：樓市、的士/小巴等等)短時間內應該可以頂得住，而且有機會慢慢向上爬。如果聯署局發覺減息後效果都強差人意的話，有人估計他們好快會再減多半厘；另外，行政會議剛批准市區和新界的士落錶加價一元，但有的士團體己準備申請落錶加多二元﹔再者，香港將會出現零利率，持有形資產好過渣現金，所以的士牌價/物業照道理會有運行呱，唔知大家同唔同意呢？
上個星期，小弟和十幾個的士小巴商總會理事和行家一齊飛到上海訪問交通運輸管理處和幾間大型的士公司(包括大眾、強生和錦江)的電召、維修及銷售中心，順道交換管理上的心得。我們發覺上海市雖然有四萬六千幾輛的士，而超過一半以上的士已安裝全球衛星定位(GPS)以應付電召需要，但在高峰期也未能應付市民需要。我們亦發覺的士司機服務質素、駕駛態度、衣著外表等等都唔錯，所以這次訪問令我們各人大開眼界，亦增加我們對香港的士提高優質服務的決心！
1月31日：一個月香港銀行同業拆息2.20%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 23-01-2008 |
|
|
|
刊登日期：2008-01-10 |
|
|
|
|
『積極減息』：新的一年又是新的開始，首先預祝大家今年投資有道，財運亨通！早幾日錢莊銀行請我們一眾車行好友到總行食蛇宴，席間大家談笑風生地討論到美國今年利率走勢，似乎大家都預咗美國今年經濟無運行，減息就無可避免，大部分人都相信只要減得越多，的士牌價照道理就升得越高，有分析員預測在年中前會減息0.75厘去救樓市，如果香港跟足的話，有樓有車嘅投資者就當然發財了。不過有銀行家指今年通脹亦非常厲害，當然部分多得由大陸入口嘅食品價格急升有關，另一方面，如果美國經濟唔妥的話，香港經濟是不是真的能獨善其身呢？所以又有高人預測香港經濟可能出現『先甜後苦』局面。
另外政府早前發出對的士改善服務質素的諮詢文件給車主及市民，截止日期係一月尾，如果大家有甚麼高見，請唔好客氣吧！其實政府都幾重視這份文件，因為香港作為國際都會，的士服務質素在十年內都無甚麼突破，大家千奇唔好凈掛住只有折扣黨有生意做，其實如果的士配合科技和服務，生意亦有得做㗎！
1月21日：一個月香港銀行同業拆息2.71%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 10-01-2008 |
|
|
|
刊登日期：2008-01-02 |
|
|
|
|
2008年新年快樂……祝各位生意興隆，身體健康、心想事成、路路暢通。
1月10日：一個月香港銀行同業拆息3.07%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 02-01-2008
|
|
|
|
刊登日期：2007-12-21 |
|
|
|
|
『越托越衰』： 上星期美國聯署局聯同另外四個國家央行諗著放水解決次按產品(SIV，CDO，etc)所帶來的信貸危機(歐洲央行已決定歷來最大的注資行動把相等3萬9仟億港圓注入銀行體系)，睇個勢就好掂，但數據表示通賬有加速跡象，所以大家又恐怕聯署局可能停止再減息，以至股市又開始大插水。但最諷刺都係前聯署局主席格林斯潘話美國明年經濟有一半機會步入衰退，防止衰退的方法就是減息。所以又有專家估計美國聯署局可能寧願放棄通賬都唔想見到經濟衰退。以目前這樣的金融危機(大約有1,500億美元的次按產品將面臨評級下調)，專家估計美國明年有機會減息達一厘才舒緩個樓市，所以我估計明年香港有機會出現負利率。
***特別通告：本公司創辦人林昭倫老先生於2007年12月20日蒙主寵召安息，特此敬告各界人仕。***
1月2日：一個月香港銀行同業拆息3.05%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 21-12-2007 |
|
|
|
刊登日期：2007-12-18 |
|
|
|
|
『越托越衰』： 上星期美國聯署局聯同另外四個國家央行諗著放水解決次按產品(SIV，CDO，etc)所帶來的信貸危機(歐洲央行已決定歷來最大的注資行動把相等3萬9仟億港圓注入銀行體系)，睇個勢就好掂，但數據表示通賬有加速跡象，所以大家又恐怕聯署局可能停止再減息，以至股市又開始大插水。但最諷刺都係前聯署局主席格林斯潘話美國明年經濟有一半機會步入衰退，防止衰退的方法就是減息。所以又有專家估計美國聯署局可能寧願放棄通賬都唔想見到經濟衰退。以目前這樣的金融危機(大約有1,500億美元的次按產品將面臨評級下調)，專家估計美國明年有機會減息達一厘才舒緩個樓市，所以我估計明年香港有機會出現負利率。
在12月7日小弟和一大班銀行界朋友參加一間科技公司在尖沙咀Marco Polo酒店嘅新聞發報會，他們證實研發出專供的士使用的智能服務「TAXI4U」(讀成TAXI FOR YOU)，結合衛星定位及導航系統(GPS)，司機可接收顧客電召及即時路面交通資訊，電召中心亦根據的士位置進行最近顧客的自動調派，縮減乘客等候時間，從而提升的士服務效率及形象。據聞安裝費及月費都比現時傳統嘅電召服務相宜，而且最煞食功能就係司機遇到緊急事故，例如打劫及交通意外，只要按動隱蔽式按鈕，電召中心就即時可知道的士位置及派出支援，此外，各乘客會獲發智能卡，可記載乘客過去乘搭的士記錄，若乘客遺留物件於的士，也較易尋失物下落，而且在有需要的情況下，乘客可預先通知家人臨時密碼，以便家人可在乘客搭車途中在互聯網上監察行車路線。此項服務預計在明年第一季推出，我相信如果價錢合理和擁有以上功能的話，對的士業及乘客都會帶來革命性的優質服務，亦間接提升香港的高科技國際形象！可喜、可喜……！
12月21日：一個月香港銀行同業拆息3.55%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 18-12-2007
|
|
|
|
刊登日期：2007-11-29 |
|
|
|
|
『減息救市』：連花旗銀行都可能好缺水！借阿聯酋阿布扎比幾百億當入股都要比11厘利息，有冇搞錯……所以連聯署局都暗示下月減息機會差不多100%，滙豐就預測美國明年第一季會減息半厘，高盛就仲樂觀。雖然減息代表美國經濟唔好，但對大部份車主及樓主就是莫大喜訊，如果在狂減息下的士牌價都原地踏步的話，可能暗示牌價仍然偏高或投資者仍然喜歡其他高回報投資工具。
致於有關的士調整收費去刺激生意的方案，似乎各的士商會都仲未有一個完全共識的建議，但普遍估計方案多傾向短途加價、長途減價方針，不過要花時間去討論就是怎樣厘定長途和短途旅程。最後本公司和某大型保險公司合作推廣的士第三者保險，優惠價由$5,400起，如有興趣請盡快報名！
如果大家對調整的士收費方案有甚麼高見，可直接e-mail：info@taxiclub.com給我們，我們會把你的寶貴建議轉給的士商會討論。
12月7日：一個月香港銀行同業拆息3.83%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 29-11-2007
|
|
|
|
刊登日期：2007-11-21 |
|
|
|
|
『波濤洶湧』：由上星期五開始股市日日坐過山車，真係做好或者做淡都係比人玩死，索性唔玩著仲好！不過今日油價破100美元一桶就係市場焦點，再加上美國聯署局調低美國明年經濟增長，下個月減息機會高過九成，對車主確是一個喜訊。
絕對唔係賣花讚花香！經過連續減息半厘後，照道理的士牌價應該急升5萬~7萬，但而家仲差不多原地踏步只因那些投資客仍唔肯將資金抽離股市吧！其實最近的士生意真係好咗，而且政府亦伸出援手，急急拍板批准起錶加1元，另外亦暗示未來三個月也做工夫調整咪錶去刺激長途旅客多搭的士，所以現時投資的士嘅值博率開始高過股票，當然用純賭博角度看股票就係首選啦！
11月29日：一個月香港銀行同業拆息3.74%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 21-11-2007
|
|
|
|
刊登日期：2007-11-09 |
|
|
|
|
『信貸危機』：簡直就係一個撇脹鬥多比賽！繼花旗、美林及大摩宣佈因次按損手超過二百億美元後，似乎撥備問題已浸延到其他大企業及保險公司。現時樓市已經吾掂，如果連股市都散埋的話，美國經濟可能會步入衰退，全球金融市場亦會被牽連，所以有分析員指港股可能已見頂亦言之有理。通常衰開有條路，有傳聞中國人行會在今個週未加息去壓抑通脹，所以內地股市也開始腳軟。不過有人估計美國聯署局可能會再減息去救市，如果香港跟足的話，你估股市會唔會嚟過大反彈呢？
前幾日小弟有幸代表商會和交諮會就檢討香港的士服務的營運模式和質素發表意見，似乎他們對有利長途乘客的建議特別感興趣。另外，雖然交諮會已宣佈拒絕業界之1元燃油附加費申請，但答應積極考慮起錶加1元之建議，睇嚟交諮會亦了解業界經營困難，所以我相信交諮會在不久會公佈更多好消息去幫助業界，再加埋下星期減息四分一厘效應，的士牌價理論上應該可以睇高一線嗎？
11月15日：三個月香港銀行同業拆息3.45%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 09-11-2007
|
|
|
|
刊登日期：2007-11-06 |
|
|
|
|
『吹水之作』：呢次又中招了！減息嘅好消息都嚟唔切慶祝，溫總又立即增興話「資金自由行」要再研究潛在風險，所以要推遲到明年才落實，班金牌分析員又加鹽加醋話「北水南調」可能是多多限制，所以港股大插水已是意料中事，不過勢估唔到亦創埋歷來最大單日點數跌幅(跌1548點)。理論上早前喪搏嘅股民可能唔見咗一截，不過未蝕入肉嘅股民仍然心口掛個勇字繼續跟隨四叔嘅目標進發，佩服、佩服！
交諮會就檢討香港的士服務的營運模式和質素開始邀請的士業界交換意見，當然過程又是漫長和精彩，應該明年第一季會有些實質結論。今日有報章指石油氣的士排放的廢氣比柴油的士為多，唔知政府是否又攪新意思，打算引入歐盟新型號柴油車輛，如果屬實，車主又有多個選擇了！致於市區的士牌價，你話現在嘅價格(350萬)係高定低呢？耐心等等吧！因為有傳聞話香港銀行會追減利息。
11月8日：三個月香港銀行同業拆息3.48%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 05-11-2007
|
|
|
|
刊登日期：2007-10-27 |
|
|
|
|
『勢如破竹』：今日又要開香檳啦！經過多日來大幅波動後，恒指終於在30,405破收市新高，甚至連金價和油價都創過新高。另外大量熱錢湧入香港抽新股; 再加上一班口痕評論員又再發表股市易升難跌嘅偉論，所以唔好話港股會升到4萬點，只要大膽講5萬點都真係有傻佬會信㗎！下個星期美國聯署局又再議息，大多數基金佬都預測會減四分一厘，致於香港銀行如果真係跟足的話，希望唔會好像上次轉頭又加番按揭利率！但如果完全唔跟的話，全世界就無晒憧憬了……所以要隨時準備跳車！
最近交通諮詢委員會話要檢討香港的士服務的營運模式和質素，並要將新加坡、日本東京、英國倫敦和美國紐約各國的士作出比較。其實乘客上車後才議價的情況在其他國家甚少發生，只因在香港發生SARS時「做壞規矩」的後遺症，我唔相信在經濟強勁增長下，的士不給折扣給乘客是沒有生存空間 (註: 但個別司機回應長途路程乘客的要求下而減價就另作議論)，但如果一刀切把折扣黨合法化就變相要的士全面減價﹝註：因為唔肯減的那班的士司機根本無生意，所以都要被逼做折扣黨﹞，試問各類公共交通都因通脹及高油價下申請加價，反之大部分的士車主仍欠下銀行幾百萬車會債，點解唯獨一定要的士減價呢！本人相信除了考慮的士全面減價外，可以著手研究其他有利長途乘客的經營模式及增值服務就比較實際吧！
***香港電台「城市論壇」在星期日(10月28日)討論交諮會就的士收費的建議，劉健儀議員亦出席作為台上嘉賓。題目是「調整收費誰得益 ？的士業界尋共識 」，如錯過此節目，可上以下網頁重溫：http://www.rthk.org.hk/rthk/tv/city_forum/20071028.html。
11月5日：三個月香港銀行同業拆息3.94%
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 26-10-2007
|
|
|
|
刊登日期：2007-10-18 |
|
|
|
|
『高處不勝寒』：恭喜，恭喜！今日恒指終於可以見到3萬點，賭王仲話因為中國經濟良好，恒指可睇4萬點，唔知你地信唔信呢？但俗語話嚟得快亦走得快，班大鱷真係隨時再嚇你一驚，玩番轉恒指大插水都未定，所以而家再上車博殺嘅股民其實和賭博無乜分別，唯有講句祝君好運吧！有報導指美國次按問題其實未完全解決及反映，因為連最有實力嘅花旗銀行都竟然要為旗下那210億美元的按揭相關連產品(當中包括25%次按業務)問同業借水，你就知道呢鑊唔講得笑，因此花旗股市可能會再頭暈身熱，所以真係要打醒精神！
致於的士牌價當然係牛皮，企著349萬左右，不過如果月尾香港跟隨美國再減息的話，照道理應該升番幾萬呱！不過最唔明白都是銀行拆息為何長期企著5.3%以上，攪到班銀行大哥又話無錢賺，考慮要加息幫補吓，這是唯一阻礙牌價升幅的因素！
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 18-10-2007
|
|
|
|
刊登日期：2007-10-10 |
|
|
|
|
『屢創新高』：踏入十月，股市雖然日日玩過山車，但睇過樣好似唔破30,000點勢不罷休，唔通股市真是不滅的神話？而家股民好似唔識甚麼叫『止賺』，只是抱著一個信念，股市在奧運前都是長升長有的，所以全民皆股有甚麼出奇！不過始終都要小心隨時風高浪急，打回原形就真係瞓唔著咯。
當全世界都話炒股可以發大達的時候，甚麼回報好的長線投資都自然看不上眼，的士投資就是好好的例子了。無他嘅，香港人已慣咗一窩蜂去做事了。不過最近可能因為銀行拆息長期超過5厘以上，幾間大銀行已乘機加按揭利率息口，除非其他銀行全部都跟隨，否則按揭生意就會明顯歸邊，所以對的士牌價暫時只有心理影響。其實在財富效應下，賺到錢嘅車主點會而家放車，即管打算放都會等到年底再減息後啦！
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 10-10-2007 |
|
|
|
刊登日期：2007-09-29 |
|
|
|
|
『銳不可擋』： 真係不費吹灰之力，港股又突破27,000點，睇個勢好似想破埋28,000點。股市日日創新高，股民初初都話驚，而家就變成只聽消息不愛分析，簡直要用『喪搏』來形容。好多分析員都話十月份股市將會有大調整，但你估計打算抽身離場嘅股民佔幾多？少過百份之五都唔出奇；股民可能已習慣殺到埋身才識跳車了。
其實減息後，的士牌價就企硬350萬。下個月又唱減息，牌價理論上應該又再升多幾萬。但今時唔同往日，班投資者可能覺得炒股票仲易搵錢，暫時唔投資的士亦是人之常情。但當股市開始出現調整的時候，我相信那時就是牌價開車的日子。
(以上純屬個人意見，如造成不便敬請見諒；對以上評論有任何意見，可直接致電6018 1820 William Lam)
William Lam 29-09-2007
|
|
|
|
刊登日期：2007-09-21 |
|
|
|
|
『皆大歡喜』： 睇吓，真係成地眼鏡碎架！好多銀行大孖沙早前已經講因為拆息高企，就算美國聯儲局食咗藥減息半厘，香港都未必會跟隨。誰不知存款多到水浸嘅「獅子」率先發功宣佈減息四分一厘，你話其他銀行點敢唔跟！最開心當然是揸重貨嘅股民，兩日加埋升咗成1,200點，恒指直逼26,000點，四叔仲話年底恒指可破28,000點，講到好似而家唔買就執輸咁……不過唔好忽略十月份係傳統波濤洶湧時段，所以要先食定暈浪丸以策安全。
一話減息，牌價當然開始升空，況且大班美資大行又預測十月尾再來減息，所以市區牌價年底見360萬應該無難度掛。但最令人注意就是銀行可能加新造按揭息率水平，即是話就算P調減後，實質利率反而是「原地踏步」。
(以上純屬個人意見，如造成不便敬請見諒)
William Lam 21-09-2007 |
|
|
|
刊登日期：2007-09-14 |
|
|
|
|
『始料不及』：港股真係升到你驚！照正常情況下，內地開始溫釀加息，再加上港元拆息仍然高企而導致可能不跟隨美國聯儲局減息的影響下，港股應該會腳軟，但世事無絕對，中央又話國慶後「港股直通車」應該搞掂，所以港股好像有無窮動力，恒生指數直逼香港股神四叔25000點嘅目標價。以目前咁顛嘅氣氛，其實大升和大跌都係一觸即發，「富貴如浮雲」隨時再發生！
又要講番在正常情況下，財富效應加上減息剌激下，的士牌價應該開始一飛沖天，但為何遲遲都未升高？原因好簡單，就係欠缺了一個好消息原素，不過肯定就是牌價已蠢蠢欲動了！耐心等待吧！
(以上純屬個人意見，如造成不便敬請見諒)
William Lam 14-09-2007 |
|
|
|
刊登日期：2007-09-08 |
|
|
|
|
『四面楚歌』：真係世事難料！中央為了壓抑內地爆熱通脹，似乎要提醒內地股民要作好加息準備，當「息魔」遇上「抽資」，係人都知股市有機會插水。相反地，美國上月職位意外地在4年來首見減少，反映樓市衰退開始波及整體經濟，上星期美股又大插250點。當中、美聯手砲製這場「鐵達尼」大電影的時候，你話港股唔頭暈都唔得！不過最值得安慰就是美國聯署局可能在年底前減息達1厘！
奇怪的是的士牌價在大風大浪下仍然企硬346萬，是福是禍真係遲些就知！但如果未來香港跟著美國減息幅度，我想的士牌價大插水嘅場面未必會發生，甚至可能會倒升都未定！
(以上純屬個人意見，如造成不便敬請見諒)
William Lam 08-09-2007 |
|
|
|
刊登日期：2007-09-01 |
|
|
|
|
『雞犬皆升』：上個禮拜股民又欣喜若狂！凈係炒「北水南下」加「美國減息」已經令港股又升多成千幾點，再加上股民話用三分理智，七分瘋癲就啱晒現時情況，攪到港股好似有升不停的動力。講真，股神四叔都係睇恒指到二萬五點，而家都差不多升咗成四千點到二萬四點，水位好似有限噃。昨晚大家聽完布殊和伯南克嘅安撫說話之後，心情當然舒服咗，但佢地又唔肯講幾時減息去救投資者，再加上內地嘅北水火車都唔知幾時到香港，班大鱷隨時玩番一轉「鐵達尼」大插水都未定，所以審慎一些好！
致於市區的士仍然處於「沽唔落亦炒唔上」局面，企硬345萬左右，不過我仍然相信班投資者好快會回頭，話晒股票賺咗成個開都會分散投資啩！
(以上純屬個人意見，如造成不便敬請見諒)
William Lam 01-09-2007 |
|
|
|
刊登日期：2007-08-25 |
|
|
|
|
『重拾信心』：香港人果然勝在夠善忘！上星期港股急挫逾1,200點，許多散户驚到亂晒籠兼損手爛腳，分析員都話要等起碼幾個月才完全復原，點知話咁快幾日內急升番2,600點，講都唔信？當超人李都話有風險之際，點知股神四叔又打對台話低位掃成20億貨，仲預測年底恒指兩萬五點無走雞。如果美國聯儲局在9月18日議息會上真的宣佈減息，你又估吓股市會唔會升到顛呢？唉，咁易比你估到就唔叫股市啦……
呢排市區的士牌價企住345萬左右，理論上聽到減息就嚟過急升，唔郁即是話投資者仍然在股海裏盪漾。無他嘅，輪住嚟炒啫，但揸住個的士牌就勝在夠穩陣，起碼唔洗日日睇著個股市咁大壓力！
(以上純屬個人意見，如造成不便敬請見諒)
William Lam 25-08-2007 |
|
|
|
刊登日期：2007-08-21 |
|
|
|
|
『北水南調』：中央可能見個股市比美國佬攪到太過殘，所以突然唔聲唔聲嚇你一驚，玩一招「資金自由行」，讓內地居民透過中國銀行天津分行開立外匯帳戶去直接投資港股，而最大膽嘗試就是不設上限。呢一招唔令港股急升先奇，不過俗語有話「嚟得急亦走得快」，當好消息盡出，可能又漸歸平淡，除非美國聯儲局在9月18日減息半厘，否則暫時都係見好就收為上策！
我而家覺得投資客真係醒好多！聽到下個月起碼減息四分一厘，就已紛紛打算買的士再搏一舖，如果中央再來一招，可能是「的士自由買」就夠晒創意啦！
(以上純屬個人意見，如造成不便敬請見諒)
William Lam 21-08-2007 |
|
|
